13.08.2008 - Jón Halldór
Huginn 2 - Leiknir 1

Huginn lék mikilvægan leik í 3. deild miðv. daginn 13. ágúst.
Lið Hugins var þannig skipað:
Jón Kolbeinn, Kristján Smári, Egill, David, Ljubisa, Friðjón, Binni, Baldur, Símon, Ragnar og Birgir.
Leikbönn hjuggu skörð í lið okkar, en Elmar, Marjan og Aleksandar voru í banni.
Í fyrri hálfleik varð Huginn fyrir áfalli er Binni meiddist og varð að fara út af. Inn í liðið kom Natan í stað hans. Leikur liðann var jafn í fyrstu, en þó voru sóknir Hugins markvissari. Þegar langt var liðið á fyrri hálfleik skoraði Ragnar mark eftir góða sókn heimamanna. Staðan var sem sagt 1-0 í hálfleik í fremur jöfnum leik.
Í seinni hálfleik var áfram jafnræði milli liðanna, en sóknir Leiknis urðu þó beittari er á leið. Sóknir Hugins voru þó einnig hættulegar, einkum skapaði Biggi mikinn usla við mark Leiknis. Það var einmitt Birgir sem skoraði gott mark eftir fína sókn Hugins og kom okkur í 2 - 0, er nokkuð var liðið á seinni hálfleik.
Nokkru síðar var einum leikmanna Leiknis vísað af velli fyrir sitt annað gula spjald í leiknum, eftir brot á Birgi.
Gestirnir létu það ekki hafa áhrif á sig, heldur virtust eflast við mótlætið. Í einni sókninni áttu Leiknismenn markskot sem hrökk í hönd Egils og dómarinn dæmdi víti.
Úr vítinu minnkuðu hinir rauðklæddu muninn.
Það sem eftir lifði leiks sóttu gestirnir meira og voru nálgæt því að jafna í spennandi leik, en góður leikur Jóns Kolbeins í markinu kom í veg fyrir það.
Baráttusigur var í höfn, 2 - 1 þar sem menn leiksins voru Jón Kolbeinn og Birgir. Einnig vakti Kristján Smári, sem spilaði allan leikinn, athygli fyrir góða frammistöðu.

11.08.2008 - Jón Halldór
Huginn - Leiknir.

Huginn tekur á móti Leiknismönnum í síðasta heimaleiknum í D riðli 3. deildar á miðvikudaginn kl. 19.00.
Nú ríður á að allir sem vettlingi valda mæti á leikinn.
Höfum gaman og styðjum Huginn á miðvikudagskvöldið.

07.08.2008 - Jón Halldór
Sigur á Dalvík og sæti í úrslitakeppninni!

Rétt í þessu var Huginn að tryggja sér sæti í úrslitakeppninni.
Sigur á Dalvík Reyni 2-3 réði þar úrslitum.
Í leiknum í kvöld þurfti Ljubisa að vera meðal áhorfenda, því hann var í banni. Lið Hugins:
Jón Kolbeinn, Elmar, Egill, David, Simon, Ben, Alexander, Friðjón, Binni, Marjan, Biggi.
Dalvik komst yfir og byrjuðu betur, en Huginn vann sig inn í leikinn og jafnaði fyrir hlé, þegar Friðjón skoraði.
Í seinni hálfleik komst Dalvík aftur yfir, en aftur jöfnuðu hinir gulklæddu, þegar Biggi setti hann.
Það var svo gamli en síungi kallinn hann Binni Skúla sem skoraði sigurmarkið 2-3.
Á sama tíma vann Sindri Leikni og þýða úrslit kvöldsins að Huginn og Sindri fara í úrslitakeppnina.
Frábært strákar.